Gulomov Azizbek Azamatjon o'g'li

1997 yil 24 iyul kuni Andijon viloyati Jalaquduq tumanida tug‘ilgan. Yoshligidan san’atga, ayniqsa musiqaga bo‘lgan qiziqishi yuqori bo‘lib, bu yo‘ldagi ilk ta’limini 2009 yilda T. Sodiqov nomidagi 7-son maxsus musiqa maktab-internatida boshlagan. Mazkur ta’lim muassasasida 2013 yilgacha xalq cholg‘ulari bo‘limining afg‘on rubobi sinfida tahsil olgan.

2013–2016 yillar davomida Andijon san’at kollejida estrada fortepiano yo‘nalishida bilimini yanada mustahkamladi. Musiqa sohasidagi bilim va ko‘nikmalarini chuqurlashtirish maqsadida 2018 yilda Andijon davlat universitetining Musiqa ta’limi yo‘nalishiga o‘qishga kirib, 2022 yilda muvaffaqiyatli tamomladi.

Hozirgi kunda Azizbek o‘z faoliyatini Jalaquduq tumani 13-son bolalar musiqa va san’at maktabida davom ettirib kelmoqda. U yosh avlodga musiqa sirlarini o‘rgatish, ularning ijodiy qobiliyatlarini rivojlantirish yo‘lida sidqidildan xizmat qilmoqda.