Eraliyeva Mamuraxon Ergashovna

1974-yil 30-aprelda Andijon viloyati Jalaquduq tumani Oxunboboyev shahrida tug‘ilgan. 1981–1989-yillarda tumandagi 3-son umumta’lim maktabida tahsil olgan.

1989-yilda Andijon davlat musiqa bilim yurtining xor dirijyorligi bo‘limiga o‘qishga kirib, 1993-yilda ushbu ta’lim muassasasini muvaffaqiyatli tamomlagan.

Mehnat faoliyatini 1993-yildan boshlab musiqa o‘qituvchisi sifatida boshlagan. O‘z kasbiga bo‘lgan mehr va fidoyiligi sababli ta’lim sohasida samarali faoliyat olib borgan.

2007-yilda Andijon davlat universitetining sirtqi bo‘limiga o‘qishga kirgan.

2008-yilda Jalaquduq tumani 13-son Bolalar musiqa va san’at maktabiga direktor lavozimiga tayinlangan va hozirgi kunga qadar ushbu lavozimda samarali faoliyat yuritib kelmoqda.